Viðareiðisvegurin asfalterast

Eftir at Viðareiðistunnilin varð tikin í nýtslu fyri einum ári síðani, var skjótt greitt, at trupulleikar vóru við vegnum millum tunnilsmunnan og bygdina á Viðareiði.

Støða er tikin til at asfaltera vegin av nýggjum, og lisitatión hevur nú verið, skrivar Landsverk í tíðindaskrivi.

Úrslitið var, at HJ Asfalt átti lægsta boðið, sum var umleið fýra milliónir kr. Kreton bjóðaði góðar fimm milliónir, og hægsta boðið átti EM Asfalt. Tað var 6,7 milliónir kr.

Landsverk hevur í dag skrivað undir sáttmála við HJ-Asfalt um asfalteringsarbeiðið, sum byrjar í næstu viku, sigur Landsverk í tíðindaskrivi.