Samgongan samtykti einsamøll grein 25 nevndina

Aftur í dag gjørdi andstøðan í løgtinginum vart við, at hon vil ikki hava uppskotið um stjórnarskipan viðgjørt í tinginum.

Tá tingið atkvøddi um, at ein grein 25 nevnd skal viðgera og gera tilmæli um uppskotið, vóru 14 atkvøður ímóti.

Men 16 vóru fyri, so uppskotið varð kortini samtykt. 

30 tingfólk vóru í tingsalinum, tá atkvøtt varð.

Nevndin ikki vald enn

Nevndin verður vald á tingfundi tann 8.november.

12 fólk skulu veljast í nevndina, tvey úr hvørjum av teimum fýra stóru flokkunum og ein úr teimum smáu. 

Harafturat verður uttanflokkatingkvinnan, Sonja Jógvansdóttir, í nevndini.

Nevndin, sum skal veljast at viðgera stjórnarskipanina, eitur eftir grein 25 í tingskipanini. Hon sigur, at løgtingið kann seta nevndir at geva løgtinginum tilmæli í ávísum málum.