Kvotakongar skulu steðgast

Kvotakongar skulu steðgast
Danska stjórnin og flokkarnir í fólkatinginum hava gjørt semju um, hvussu virksemið hjá sonevndu kvotukongunum í donsku fiskivinnuni skal steðgast
 
17.11.2017 - 11:24

Endamálið er, at tað ikki skal vera møguligt at nýta ymsar hættir fyri at fáa hendur á kvotur.

Nýggja skipanin skal vísa, hvussu ognin av kvotum verður gjørd upp, reglurnar fyri at koma uppí fiskivinnuna skulu herðast, og revsingin fyri at brótabreglurnar skal eisini herðast.

Tað vil siga, at tað ikki við óvanligum loysnum vera møguligt at keypa, ella at ráða yvir størri kvotum, enn tað sum er loyvt.

Vilja avdúka svik

Eitt lið av serfrøðingum skal hava eftirlit við vinnuni og halda eyga við handlum við kvotum, hvør eigur kvoturnar, og hvussu pengarnir flyta seg.

Danski ráðharrin í fiskivinnumálum, Karen Ellemann sigur seg vera sannførda um, at um roynt verður at svika í fiskivinnuni, so verður tað avdúkað.

Og hon sigur seg eisini vera sannførda um, at fiskivinnan fer at laga seg eftir nýggju reglunum, so tað verður pláss fyri stóru feløgunum, men eisini fyri teimum miðalstóru og smáu feløgunum í fiskivinnuni, skrivar DR.

Færri eiga meira

Hesa øldina eru hendar stórar broytingar í donsku fiskivinnuni, og tað hevur havt við sær, at færri eiga stóran part av fiskivinnuni. Í eini sending hjá DR fyrr í ár varð víst á, at Henning Kjeldsen í norðurjútlandi eigur kvotur fyri yvir 900 milliónir kr.

Ein annar av stóru reiðarunum er Gullak Madsen úr Kvívík. Virðið á hansara fyritøku verður mett til 1,4 milliardir kr.

Danska løgreglan kannar viðurskiftini hjá fimm av sonevndu kvotukongunum, tí teir eru meldaðir fyri sítt virksemi.

Felagið hjá donsku fiskivinnuni sigur seg rokna við at eftir semjuna um fiskivinnuna, verður friður aftur í vinnuni.

Er kopiera
Nýggjastu sendingar í ÚV
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592