Betri trygging skal hava 100 milliónir afturat

Betri trygging skal hava 100 milliónir krónur afturat í kapitali frá móðurfelagnum P/f Trygging. 

Hetta er neyðugt, nú Betri trygging skal samráðast um endurtryggingar.

Endurtrygging er tryggingin hjá Betri trygging.

Betri trygging hevur eisini havt stórar skaðar at gjalda.

Tá er neyðugt, at Betri trygging er sterk fíggjarliga, tá hon fer at samráðast um endurtryggingar, sigur stjórin, Ingunn Eiriksdóttir.

Tá Betri trygging hevur fingið 100 milliónir afturat, fer eginognin hjá felagnum upp í 590 mió. kr.

Eykaaðalfundur

Eykaaðalfundur verður í Betri trygging 28.desember.

Ingunn Eiriksdóttir, sum var næstforkvinna í nevndini, er vorðin stjóri í Betri trygging.

Tí skal veljast fólk í nevndina fyri hana á eykaaðalfundinum eftir jól.

Teitur Samuelsen varð á seinasta nevndarfundi valdur til næstformann í Betri trygging.