Kári P. Højgaard spyr um koyrikort

Kári P. Højgaard spyr um koyrikort
Kári P. Højgaard vil spyr landsstýrismannin í samferðslumálum, Henrik Old, um somu reglur fyri koyrikort skulu galda í Føroyum sum í Danmark
Mynd: newsbreak.dk  
 
12.02.2018 - 10:16

Fólkatingið hevur samtykt, at aldur skal ikki longur verða forðing fyri at hava koyrikort til bil og motorsúklu, og kravið um læknaváttan er slept, tá koyrikortið verður endurnýggjað.

Kári P. Højgaard í Sjálvstýri spyr Henrik Old, um hann fer at taka aldursmarkið fyri koyrikort av, og kravið um læknváttan, eftir at fólk eru fylt 70 ár.

Eftir nýggju reglunum í Danmark fer koyrikortið úr gildi alt eftir, nær tað er útskrivað. 

Hjá summum bilførarum er koyrikortið galdandi, til teir eru 70 ár. 

Tey nýggju koyrikortini eru galdandi í 15 ár eftir útgávudagin. Síðani verða tey endurnýggjað, og erutey tá galdandi í 15 ár, sama hvussu gamal bilførarin er.

Kári P. Højgaard spyr Henrik Old, um hann eisini fer at seta hesa skipanina í gildi í Føroyum. 

Heldur ikki í Týsklandi og Svøríki er eitt ovara aldursmark fyri koyrikort til bil. 

Nýggju ásetingarnar í Danmark eru ikki galdandi fyri bilførarar, sum eru avmarkaðir vegna sjúku. 

Tá teir skulu endurnýggja koyrikortið, krevst læknaváttan, sama hvussu gamlir teir eru.

Er kopiera
Nýggjastu sendingar í ÚV
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592