Løgreglan skal uppstigast úti í lokaløkinum

Tá varð talið av politiøkjum minkað úr 54 niður í 12,  smáar løgreglustøðir vóru stongdar og starvið landbetjent - løgreglumaður á bygd, fóru í søguna. 

- Vit eru nú aftur har, har vit hava tørv á meiri lokalari løgreglu. Tað hevur týdning fyri meg, at fólk skulu kenna seg trygg í øllum Danmark, - at tú veitst, at løgreglan er í nánd, hóast tú ikki býrt í einum øki, har kúlurnar flúgva um oyrini á tær, sigur Søren Pape Poulsen við Jydske Vestkysten. 

Flóttafólkastreymurin avhæsaður

Yvirgangsálopini í Keypmannahavn í 2015, økt eftirlit við landamørkini og tilflytara-harkalið í opnum kríggi á Nørrebro, hava merkt, at løgregludeildir í Jyllandi og Fyn eru drenaðar fyri fólk.

Løgmálaráðharrin sigur, at nú er ikki longur sama trýst á løgregluna, tí streymurin av flóttafólkum er avhæsaður, harkaliðini halda seg í skinninum og meira enn 600 næmingar aftrat eru tiknir inn á politiskúlan, - og hesir næmingar eru nú so smátt á veg út í løgregluøkini.

- Alt 2018 skal tí verða merkt at trygd í nærumhvørvinum, sigur ráðharrin.

Søren Pape Poulsen hevur biðið Ríkisløgregluna um at koma við boði um, hvussu hetta kann fremjast í verki, og vera í tráð við politisku ætlanir hjá mær um størri trygd í samfelagnum, sigur ráðharrin við blaðið.

Søren Pape Poulsen fær uppskotið frá Ríkisløgregluni í vár.