Birgir Nielsen framvegis formaður í Betri Samtaki

Trý fólk stóðu fyri vali. Birgir Nielsen, Karl Birgir Isaksen og Annika Waag. Annika Waak tók ikki við afturvalið.

Birgir Nielsen og Karl Birgir Isaksen vórðu afturvaldir og Aslaug Gisladóttir varð vald fyri Anniku Waag.

Aslaug Gisladóttir fekk flest atkvøður, nemliga 26, meðan Karl Birgir Isaksen fekk 20 og formaðurin fekk 17.

Tað var 5 fleiri enn tann næsti á listanum, sum var Shandorf Vang. Hann fekk 13 Atkvøður.

9 fólk stillaðu upp til nevndina og fimm av teimum vóru innstillaði av tilráðingarnevndini. Øll trý, sum vórðu vald, vórðu innstillaði av tilráðingarnevndini.

Tað er fyrstu fer í fleiri ár, at umboðsráðið hevur tikið tilráðingarnar hjá tilráðingarbólkinum til eftirtektar og bara valt nevndarlimir, sum nevndir mælir til.

Umframt at vera nevndarlimur í Betri PF verður Aslaug Gisladóttir í nevndini hjá Betri Banka og Bogi Nielsen, sum eisini situr í nevndini í Betri Pensjón er nýggjur limur í nevndini í Betri Trygging.

Nevndirnar í Betri Heim og Betri Pensjón vórðu afturvaldar.