- Tíðindi, mentan og ítróttur
Stendur í botni í samráðingunum
Stendur í botni í samráðingunum
Tað stendur í botni í samráðingunum millum Flogskiparafelagið og Føroya Arbeiðsgevarafelag. Tað sigur semingsmaðurin Terje Sigurdsson.
![](https://kvf.fo/sites/default/files/styles/grein-ovasta-mynd/public/terje_sigurdsson_1.png?itok=zO8xOSti)
14.04.2018 - 10:54
Partarnir fóru undir semingsroynd í gjár.
Í morgun klokkan fimm fóru partarnir til hús, og teir hava avtalað at hittast aftur í morgin klokkan 14.00.
Semingsmaðurin royndi at fáa glið á samráðingarnar í gjár, men uttan stórvegis úrslit. Tí er einki semingsuppskot komið á borðið enn.
Sáttmálin millum Flogskiparafelagið og Føroya Arbeiðsgevarafelag fór úr gildi í nátt. Partarnir hava í fyrsta umfari longt sáttmálan til á midnátt týskvøldið.
Um semingin ikki ber á mál, og annar parturin ætlar at seta í verk arbeiðssteðg, sigur sáttmálin, at fráboðanarfreistin er í minsta lagi 14 dagar.
Nýggjastu sendingar í ÚV
Nýggjastu sendingar í SV