Onki kannabis

Uppskotið um eina royndarskipan við medisinskum kannabissi verður ikki samtykt í løgtinginum.

Meirlutin í Trivnaðarnevndini, tað eru umboðini hjá samgonguni, mælir tinginum frá at samtykkja uppskotið til samtyktar, sum Jenis av Rana hevur lagt fyri tingið.

Meirilutin staðfestir í áltitinum, at tað er møguligt hjá sjúklingum at fáa útskrivað cannabisolju frá læknum í Føroyum í dag. Allir læknar hava henda rættin, og neyðugt er tí ikki at søkja um serligt loyvi til tað.

Minnilutin í nevndini, tað eru umboðini hjá andstøðuni, tekur undir við uppskotinum og mælir tinginum til at samtykkja uppskotið.