Kommunulæknarnir í verkfall hósdagin

Kommunulæknarnir í verkfall hósdagin
Kommunulæknafelag Føroya boðar í kvøld frá, at læknarnir fara í verkfall hósmorgunin klokkan 8
Eingin viðtala verður frá hósdegnum klokkan 8, tí kommunulæknarnir fara í verkfall
 
01.05.2018 - 18:23

Kommunulæknafelag Føroya lýsir í kvøld verkfall at verða frá hósmorgunin klokkan 8.

Felagið sigur, at sáttmálauppskotið frá Fíggjarmálaráðnum als ikki kann góðtakast.

Kommunulæknafelagið hevur júst sent hetta tíðindaskrivið um verkfallið:

 

"Kommunulæknafelag Føroya hevur  seinnapartin viðgjørt seinasta uppskot frá FMR dagfest 30.apríl 2018 og kann als ikki góðtaka uppskotið.  

Kommunulæknarnir mugu tíverri staðfesta , at vilji ikki enn er til at bøta um sáttmálaviðurskiftini og harvið at fáa fleiri fastar kommunulæknar í starv  og á tann hátt betra kvalitetin í arbeiði okkara.

Sáttmálin, vit hava viðgjørt seinastu nógvu mánaðarnar, er gamal  (frá 2008 / 2010) og treingir til ábøtur. Eitt av uppskotum hjá  FMR er t.d. at niðurleggja eina læknavakt í miðøkinum og harvið gera viðurskiftini hjá borgaranum verri. Tað kann als ikki góðtakast.  

Tað, vit higartil hava sæð er í ov stóran mun manglandi vilji og eitt ynski um at ”pressa  citrónina enn meira”. Tað góðtaka vit ikki.

Kommunulæknafelag Føroya harmast um støðuna, men kennir seg kroyst til at lýsa til verkfall frá hósmorgni 3. Mei kl 8.00 fyri økið, ið er umfatað av sáttmálaumráðið okkara.

Talan er um kommunulæknaarbeiði í dagtíð og úrtíð.

Tórshavn 1 mei 2018

Kommunulæknafelag Føroya"

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592