- Tíðindi, mentan og ítróttur
EM-flogbóltur: Sára R. Vatnhamar besti libero
![](https://kvf.fo/sites/default/files/styles/grein-ovasta-mynd/public/u_19_liktenstein_2018_best_libero_2.jpg?itok=HFh3uAZ1)
Føroyska U19 kvinnulandsliðið í flogbólti hevur seinastu dagarnar luttikið í EM-kapping, sum varð hildin í Liktinstein. Føroyar gjørdist nummar tvey í kappingini.
Eftir at seinasti dysturin í EM-kappingini varð leiktur í gjárskvøldið, vóru bestu leikarar í kappingini heiðraðir.
Ein teirra var føroyska Sára Rannváardóttir Vatnhamar frá Fleyr, og hon varð kosin besti libero í kappingini.
Sára hevur havt eina sera góða kapping og hevur verið viðvirkandi til, at Føroyar kláraðu at vinna seg fram 2. plássið í kappingini.
Føroyar spældi 4 dystir og vunnu 3-1 á Skotlandi og 3-0 á Liktenstein og Wales, men tapti 3-1 ímóti Luksemborg.
Endaliga støðan í kappingini gjørdist:
1 Luksemborg
2 Føroyar
3 Skotland
4 Liktenstein
5 Wales
Føroyska ferðalagið verður aftur í Føroyum í dag.