Spreinging á jødiskum festivali í London

Sjónbandaupptøka frá staðnum vísir, at tað endaði galið, tá gestir á festivalinum skuldu kynda bál.

Jødiska tíðindastovan, The Yeshiva World, skrivar, at 30 persónar fingu viðgerð á staðnum, og at 10 fólk vórðu flutt á sjúkrahús.

Spreingingin hendi við Stamford Hill í norðurLondon. 

Sambært The Yeshiva World, valdaði ruðuleiki á staðnum og fólk vóru ræðslusligin eftir spreingingina.

Tað er enn ógreitt, hví spreingingin hendi, men frágreiðingar eru um, at bensin varð stoytt á bálið. 

Onnur skriva, at í minsta lagi ein fartelefon varð tveitt í bálið.