Basa flugunum við eitri

Tað tykist at gera mun, sigur stjórin í IRF, Poul Andrias Joensen, tí flugurnar eru ikki so nógvar nú, heldur hann.

Arbeiðið at basa fluguni verður gjørt í samstarvi við skaðadjóratænastuna hjá Eysturkommunu.

Okkurt um 7.000 tons av burturkasti eru goymd í grótbrotinum.

Væntandi verður nýggi ovnurin hjá IRF á Hagaleiti klárur í morgin ella hósdagin. Tá verður ruskið aftur brent.

IRF hevur umhvørvisgóðkenning til at goyma rusk í grótbrotinum á Vík. 

Stjórin væntar, at tað fer tað at taka tað mesta av einum ári at brenna tað, sum er í grótbrotinum okkurt um hálvan annan kilometur frá Leirvík.

Rusk er goymt á hendan hátt fyrr, tað var í 2009, men tá var eingin trupulleiki av flugum.