Freistin at svara er í morgin

Tað var í apríl mánaði, at landsstýrismaðurin við vinnumálum boðaði frá, at ætlanin er at einskilja PF Postverk Føroya.

Sama veitingarskylda, sum í dag tryggjar postútbering kring landið, verður áløgd einskilda felagnum. Við skylduni fylgja neyvar treytir um sama prís og sama reglusemi. Í sølusáttmálanum verður veitingarskyldan áløgd keyparanum í minst 10 ár.

Sambært lógaruppskotinum skal fyritøkan, sum í framtíðini fer at reka postvirksemið, vera føroysk.

Postverk Føroya var gjørt til alment partafelag í 2005.