Minni ull í ár enn fyrra árið

Í ár komu 25 tons, í 2016 vóru tonsini tíggju fleiri.

Nakað kemur afturat í ár, sigur Dorthea Joensen, sum samskipar ullarmóttøkuna.

Minni ull er í ár, tí prísurin er minni, enn hann var í 2016.

Kiloprísurin í ár er 10 krónur við meirvirðigjaldi fyri fyrsta floks ull, og 1,50 krónur fyri annan flokk.

Tveir triðingar eru fyrsti flokkur í ár.

Í 2016 var prísurin fyri ull, sum varð flokkað sum fyrsti flokkur, 15 krónur fyri kilo, tá meirvirðisgjaldið er við. Fyri ull, sum fór í annan flokk, fingust tvær krónur fyri kilo. 

Í ár bar ikki til at lata meira fyri ullina, tí jattanin í fíggjarlógini er ov lítil. Ein onnur orsøk til, at minni ull er latin inn í ár, er, at øll fjøll vórðu ikki gingin í ár.

Juli var ov vátur og myrkur. Tá liðugt er at skilja ullina, verður hon lýst til sølu.