Makrelkvotan í Grønlandi næstan fiskað

Grønlendska makrelkvotan í ár er við at verða fiskað.

Fiskað eru 50.600 tons, og kvotan í ár er 66.365 tons, skrivar grønlendska landsstýrið á sínari heimasíðu.

Í fjør vórðu bara fiskað sløk 47.000 tons av makreli við Eysturgrønland.

Landsstýrismaðurin í fiskivinnumálum, Erik Jensen, fegnast, tí góði fiskiskapurin styrkir støðu Grønlands í strandalandasamráðingunum í heyst. 

Í Íslandi er gongd komin á makrelfiskaríið, og í Føroyum byrjar fiskaskapurin av álvara fyrsta dagin.