Varastjóri settur í Sjúkrahúsverkinum

Thomas Schiøler er settur í starvið sum varastjóri við læknafakligari bakgrund í Sjúkrahúsverki Føroya.

Thomas Schiøler er 58 ára gamal.

Hann var útbúgvin serlækni í kliniskari biokemi í 1999, hevur OLAU I-III leiðsluútbúgving frá Lægeforeningen í Danmark og diplomútbúgving í leiðslu.

Thomas Schiøler hevur drúgvar royndir í læknayrkinum, bæði sum  kommunulækni og sum yvirlækni og leiðandi yvirlækni á donskum sjúkrahúsum.

Harafturat hevur Thomas Schiøler drúgvar royndir sum seniorgranskari á DSI, Dansk Sundheds Institut, sum skrivstovustjórií danska heilsustýrinum og sum yvirlækni í danska heilsustýrinum

Thomas Schiøler tekur við starvinum sum varastjóri við læknafakligari bakgrund tann 1. desember.

Fimm umsóknir

Fimm umsóknir vóru til starvið. 

Starvið varð lýst leyst tvær ferðir. Fyrru ferðin var bara ein umsókn.  

Nú er fimm umsóknir, bæði uttaneftir og úr Føroyum, sigur Turid Arge, aðalstjóri í Heilsu- og Innlendismálaráðnum.

Føroyska sjúkrahúsverkið umfatar tey trý sjúkrahúsini í Føroyum og Sjúklingahotellið í Keypmannahavn.