Fíggjarmálaráðið hevur uppskot at leggja fram

Fíggjarmálaráðið hevur biðið um tingfundin í morgin, tí uppskot skal leggjast fram um eykafíggjarlóg fyri 1.desember, sum er leygardagin.

Í eykafíggjarlógini eru fíggjarnevndarskjølini, sum eru játtað í fíggjarárinum. Hetta eru játtanir, sum ikki eru við í eykajáttanarlógum.

Í stýriskipanini stendir, at eykajáttanir, sum fíggjarnevndin hevur latið, skulu góðkennast við eykafíggjarlóg í seinasta lagi 31.desember sama ár. 

Landsstýrið hevur skyldu at leggja fram uppskot um hetta fyri 1.desember. 

Í hesum árinum hevur fíggjarnevndin viðgjørt og játtað tvey fíggjarnevndarskjøl. Tað var í juni. 

Annars skuldi tingfundur ikki vera aftur fyrr enn týsdagin 4.desember.

Nevndirnar hjá løgtinginum arbeiða hesa vikuna fyri at fáa øll málini frá hondini fyri jól.

Løgtingsformaðurin ætlar, at tingið fer í jólafrí 14.desember.