Kanna framvegis mál um manndráp

Hann varð í juli í ár skuldsettur fyri at hava dripið 16 ára gomlu Mariu Fuglø Christiansen, - hon varð funnin deyð á sjónum við byrgingina í Hvannasundi í november 2012.

Kanningarnar í málinum viðførdu, at 23 ára gamli maðurin 11. juli 2018 varð skuldsettur fyri at hava dripið Mariu Fuglø Christiansen. Skuldsetti varð avhoyrdur og noktaði seg sekan, sigur løgreglan.

15. august í ár varð í tíðindaskrivi heitt á fólk, sum hildu seg vita okkurt um málið, at venda sær til løgregluna. 

Hetta førdi við sær, at løgreglan fekk nýggjar upplýsingar í málinum, og hon arbeiðir framvegis við at avhoyra hesi fólk. Enn er sera umráðandi at fólk, ið halda seg vita nakað um málið, venda sær til løgregluna, sigur Heri Andreassen, leiðari á kriminaldeildini.