Íslendskt hoyggj til Noregs

Í løtuni verða ballurnar fluttar umborð á farmaskip í Hólmavík.

Ragnar Bragason, bóndi við Heydalsá, sigur við íslendska kringvaprið, at hetta er kærkomið hjá norskum bóndum at fáa aftrat, og hann væntar, at eitt skip fer eisini við ballum einaferð í januar.

Hoyggingin í Noregi var vánalig í summar, tí øgiligur turkur var, og tí hava norskir bøndur søkt eftir hoyggi uttanlands til seyðin.

Bøndur á norðurlandinum í Íslandi hava sent góðar 30.000 hoyballir av landinum.

Eisini bøndur á Strøndum, í Reykhólasveit og við Ísafjarðardjúp á Vestfjørðum avgjørt at senda 2.000 hoyballir.

Bøndirnir fáa úr góðum 400 krónum upp í 560 krónur fyri ballina í okkara peningi, skrivar RUV.

Ragnar Bragason fegnast um møguleikan hjá seyðabøndum at forvinna peningin júst hesa ársins tíð, og at semja er um at senda annað skip til Noregs eisini.