Trý álit á veg úr Fíggjarnevndini, eitt aðru ferð

Fíggjarnevndin samdist á fundinum í gjár um at skriva trý álit og leggja tey fyri løgtingið fríggjadagin.

Bárður á Steig Nielsen, formaður í Fíggjarnevndini, sigur, at nevndin er samd um at skriva álit um varskógvaraskipan, skattaðar pengar, sum fara í og úr Samhaldsfasta, og um landsroknskapin fyri 2017.

Málið um Samhaldsfasta og skattin fór aftur í Fíggjarnevndina, sum nú aftur fer at skriva álit um málið.

Fíggjarnevndin hevur fund aftur týsdagin.