Landsliðsúttøka í morgin

Í morgin fer Lars Olsen, A-landsliðsvenjari hjá monnum, at boða frá, hvørjir teir 20 menninir eru, sum skulu vera partur av hópinum til EM-undankappingina móti Malta og Rumenia.

Hetta verður á tíðindafundi í FSF-húsinum mánamorgunin klokkan 10.

Tað boðar Fótbóltssambandið frá á heimasíðuni, fsf.fo.

Dystirnir eru leygardagin 23. mars, tá Malta og Føroya møtast á Ta´Quali Stadion á Malta, og týsdagin 26. mars, tá Rumenia og Føroyar spæla á Dr. Constantin Radulescu í Cluj.

Fríggjadagin 7. juni verður fyrsti dysturin á heimavølli hjá føroyska liðnum, tá Føroyar spæla móti Spania.