Bogi formaður í Fjarhitafelagnum

Bogi Andreasen er nú formaður í Fjarhitafelagnum.

Hann varð valdur á aðalfundinum mikudagin.

Bogi Andreasen er býráðslimur í Havn.

SEV og Tórshavnar kommuna eiga Fjarhitafelagið.

Skiftast um formannin

Báðir partar hava tríggjar limir í nevndini. 

Nevndin situr fýra ár í senn, men eftir tveimum árum skiftir formansessurin millum SEV og Tórshavnar kommunu. 

Suni Jacobsen hevur verið formaður seinastu tvey árini, og nú eigur Tórshavnar kommuna formannin.

Suni Jacobsen er nú næstformaður, og hinir í nevndinini eru Hákun Djurhuus, Jónsvein Hovgaard, Tróndur Sigurðsson og Jákup Dam.