Alt keypt á uppboði í fjør kann flytast til í ár

Nú kann allur svartkjaftur og øll norðhavssild, sum varð keypt á uppboði í fjør, og ikki varð fiskað í fjør, fiskast í ár. Tað siga nýggjar kunngerðir frá Fiskimálaráðnum. 

Sambært gomlu kunngerðunum kundu í mesta lagi tíggju prosent av keyptu uppboðskvotunum flytast millum árini. 

Kunngerðin um uppboðssølu í ár er eisini broytt, tí nú er rætturin at fiska 2.450 tons meira av svartkjafti til sølu, og rætturin at fiska 3.313 tons av norðhavssild er komin afturat.

Hesi tonsini kunnu eisini fiskast í íslendskum sjógvi.