Luftin í erva neyvan føroysk í bræði

Luftin í erva neyvan føroysk í bræði
Eingin dagur nevndur í svari hjá Poul Michelsen, landsstýrismanni, til Ruth Vang, løgtingskvinnu, sum spurdi, nær ovara loftrúmið verður yvirtikið
Alt niðara loftrúmið verður umsitið á flogvøllinum í Vágum frá 1. januar 2020
 
28.06.2019 - 13:39

Samráðingar skulu vera millum Føroyar og Danmark og Ísland, sum umsitur loftrúmið nú.

Ole Birk Olesen, sum var ferðslumálaráðharri til í gjár, játtaði fyri stuttari tíð síðani at umrøða møguleikan, at Føroyar taka við avtaluni við Ísland, sum Danmark hevur Føroya vegna nú.

Føroyar kunnu nú vera á fundum hjá Joint Finance Committee, sum er fíggjarnevndin, sum býtir pengarnar, sum koma frá flogferðsluni í norðuratlantsøkinum. 

Poul Michelsen sigur, at luttøkan í Joint Finance Committee gevur Føroyum betri førleika at yvirtaka økið og føroyskir myndugleikar fáa innlit í inntøkur og útreiðslur hjá flogferðsluni í økinum.

Riggar væl í Reykjavík

Fundir hava eisini verið við International Civil Aviation Organization, ICAO, um at skipa eitt nýtt føroyskt loftrúm. Føroyska loftrúmið verður umsitið í Reykjavik, og ICAO sigur, at tað riggar sera væl.

Tí skulu vera serliga góðar orsøkir til at broyta hetta, sigur ICAO. Og skal broyting gerast, krevur hon fulla semju í ICAO. Eisini er sama trygdarstøði ein treyt og, at raksturin ikki verður dýrari.

Samanumtikið er støðan hjá ICAO í løtuni tann, at ein føroyskur FIR, sum loftrúmsumsitingin kallast, verður ikki stovnaður.

Men, svarar Poul Michelsen eisini, 1. januar 2020, verður niðara loftrúmið, tað eru flogfør, sum koma til Føroya og fara úr Føroyum, umsitið á fløgvøllinum í Vágum burturav.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592