Umsókn um at strika friðing send friðingarnevnd

Umsókn um at strika friðing send friðingarnevnd
Friðingarnevndin í Streymoyar sýslu fær nú umsóknina um at taka av friðingina, sum er á húsinum, sum matstovan Koks brúkar til køk frammi við Gjónna
Koks frammi við Gjónna.
 
30.08.2019 - 13:01

Friðingarnevndin í Streymoyar sýslu fær nú umsóknina um at taka av friðingina, sum er á húsinum, sum matstovan Koks brúkar til køk frammi við Gjónna.

Bóndin frammi við Gjónna hevur søkt um at strika friðingina á stykkinum, sum køkurin er á.

Lendið frammi við Gjónna má bara brúkast til landsbúnaðarendamál.

Ein køkur hjá einari matstovu er ikki mettur at vera landbúnaður.

Tí er neyðugt at broyta friðingina.

Skúrur til køk

Koks hevði loyvi til at brúka køkin til 1.september í ár.

Men nú, søkt er um at strika friðingina, so køkurin kann brúkast, er loyvið longt til umsóknin er liðugt viðgjørd í Friðingarnevndini fyri Streymoyar sýslu og í Yvirfriðingarnevndini.

Tá Koks flutti í húsið frammi við Gjónna, bleiv ein blikkskúrur, sum har stóð, umvældur og gjørdur til køk. Tað er hann, stríðið nú er um.

Nú er tó greitt, at matstovan Koks kann halda fram frammi við Gjónna.

Yvirfriðingarnevndin hevur fingið 3.173 undirskriftir frá fólki, sum vilja, at Koks sleppur at vera frammi við Gjónna.


 

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470