Tónleikararnir, Ólavur Eyðunsson Gaard og Kristian Blak eru báðir tónaskøld, ið útseta tónleik til størri og smærri orkestur. Ólavur gevur í løtuni nýggja heildarútgávu út við jazzbólkinum, GØ, við heitinum "Ævir, amen", meðan seinasta útgávan hjá Kristiani er ein barnajazzútgáva við heitinum "Haha oyggin". Teir báðir tosa um støðuna hjá jazzinum í Føroyum í løtuni, hvussu hann trívist millum gomul og ung, hvar áhugin hjá teimum fyri jazzi er komin frá og hvat nýtt vit kunnu vænta á jazzpallinum í næstum. Vertirnir Beinir Bergsson og Dania O. Tausen tosa við teir um hvussu tað gongur fyri seg at vera tónasmiður í Føroyum, og um tað er umráðandi at vera førur fyri at spæla allar sjangrur, tá ein er tónleikari í Føroyum. 

Lasse Thorning Jæger og Lív Maria Róadóttir Jæger hava gjørt tónleikin í sendingini.