- Tíðindi, mentan og ítróttur
- Eg havi ikki styrkina longur
<div>Tað er italska tíðindastovan, Ansa, sum ber tíðindini. CNN skrivar, at ein talsmaður fyri Vatikanið hevur váttað tíðindini. Sambært tí sum er upplýst, leggur pávin frá sær 28. februar.</div><div><br></div><div>- Eg havi ikki styrkini longur til at halda fram í hesum kallinum. Eftir fleiri ferðir at hava kannað mína samvitsku yvirfyri Guði, so eri eg komin til at eg ikki havi styrki orsakað av mínum aldri til at halda fram við arbeiðnum, sigur hann í einum skrivi sum Radio Vaticana hevur lisið upp</div><div><br></div><div>Bænadikt pávi tók við embætinum 19. apríl í 2005, eftir at John paul, pávi andaðist 2. apríl sama ár.</div><div><br></div><div><b>Ikki síðani miðøldina</b></div><div>Bænadikt tann sekstandi er 85 ára gamal, føddur í Týsklandi, og hevði navnið, Joseph Aloisius Ratzinger, áðrenn hann gjørdist pávi.</div><div><br></div><div>Tað er ikki hent síðani í miðøldini, fyri fleiri enn 500 árum síðani, at ein pávi hevur lagt frá sær.</div><div><br></div><div>Nógv órógv hevur verið í katólsku kirkjuni meðan Benadikt sekstandi hevur verið pávi. Ein gøla fyri og onnur eftir um misnýstlu av børnum, hevur fylt nógv, og støðan er ikki betri av at katólska kirkjan hevur skákað sær undan ábyrgdini.</div><div><br></div><div>Tá pávin í gjár kunnaði kardinalarnar um avgerðina at fara frá sum pávi, segði Benadikt sekstandi, at øll eru syndarar. Tá pávin hevur lagt frá sær tann 28. februar, skulu kardinalarnir velja nýggjan páva.</div><div><br></div>
