Tokførari avhoyrdur í dag

Tokførari avhoyrdur í dag
- Í Spania er tokførarin, sum koyrdi tokið, sum fór av breytini í býnum Santiago de Compostela mikukvøldið, varðhaldsfongslaður.
Spanski tokførarin, 52 ára gamli Fransisco José Garzón, verður væntandi avhoyrdur í dag.
 
26.07.2013 - 09:59

Tokvanlukkan hevur higartil kravt 80 mannalív, og umleið 140 vórðu løstað.

52 ára gamli tokførarin,  Fransisco José Garzón, er innlagdur á sjúkrahúsi, men er varðhaldsfongslaður kortini. Roknað verður við, at hann verður avhoyrdur í dag.

Illgruni er um, at tokið koyrdi nógv skjótari enn loyvt var. Mest loyvda ferð á staðnum var 80 kilometrar um tíman, men beint eftir vanlukkuna viðgekk tokførarin, at hann koyrdi mangt slíkt.

-Tokið kom inn í svingið við eini ferð á í minsta lagi 190 kilometrar um tíman. Eg vóni ikki, at nakar er deyður. Tað fer at vera á míni samvitsku, segði tokførarin í eini samrøðu, sum varð tikin upp beint eftir vanlukkuna.

Tokið koyrdi av sporinum í einum svingi stutt áðrenn tað skuldi steðga við eina tokstøð í Santiago de Compostela.

Landasorg er lýst í Spania í tríggjar dagar eftir vanlukkuna.
 

Er kopiera
Nýggjastu sendingar í ÚV
Mánadag 21. apríl
Guðstænasta í Havnar kirkju.
190898
Mánadag 21. apríl
Credo: "Bert ein dag..." 2:2
190874
Sunnudag 20. apríl
Bolero - 20. apríl 2025
190884
Sunnudag 20. apríl
Credo: "Bert ein dag..." 1:2
190873
Nýggjastu sendingar í SV
Mánadag 21. apríl
Guðstænasta úr Havnar kirkju
190896
Mánadag 21. apríl
Anna FD 564
190890
Mánadag 21. apríl
Andakt
190889
Sunnudag 20. apríl
Guðstænasta úr Glyvra kirkju
190878
Fríggjadag 18. apríl
Knútsfagnaður
190859