Lesandi skulu rinda eftirløn

Lesandi skulu rinda eftirløn
Frá 1. januar næsta ár skulu lesandi, ið hava aðra inntøku enn lestrarstuðul, rinda eftirløn av inntøkuni. Tað boðar TAKS frá
Summi lesandi, sum hava aðra intøku aftrat lestrarstuðlinum, skulu nú rinda eftirløn.
 
22.08.2013 - 12:01

Løgtingið samtykti í vár nýggja lóg um eftirløn, sum áleggur øllum borgarum millum 21 ár og fólkapensjónsaldur at spara saman til egna eftirløn.

Eitt prosent

Í lógini er ásett, at eftir 1. januar skal í minsta lagi 1 prosent av inntøkuni rindast til eftirløn. Tað merkir, at fær ein lesandi 5.000 krónur í løn aftrat lestrarstudninginum, skal hann rinda 50 krónur til egna eftirløn.

Eftirlønargjaldið hækkar á hvørjum ári eitt prosentstig - upp í 15 prosent í ár 2028 og seinni.

Lesandi uttanlands, sum hava varðveitt fulla skattskuldu í Føroyum, hava ikki skyldu at spara saman til egna eftirløn av pengum, sum tey tjena uttanlands. Men lesandi uttanlands, sum tjena pengar í Føroyum, skulu rinda eftirløn. Kravda eftirlønargjaldið er galdandi fyri lesandi, sum í 2014 fylla 21 ár og tey, ið eru eldri enn 21.

Og TAKS leggur aftrat, at lesandi undir 21 ár eru eisini væl komin at rinda til eftirløn, men tey SKULU ikki.

Er kopiera
Nýggjastu sendingar í ÚV
Mánadag 12. mai
Góðan morgun Føroyar
191749
Sunnudag 11. mai
Bolero
191709
Sunnudag 11. mai
Guðstænasta í Haldórsvíkar kirkju
191708
Sunnudag 11. mai
Kallið: "Eg eri herprestur".
191424
Leygardag 10. mai
Jambalaja - 100525
191703
Nýggjastu sendingar í SV
Mánadag 12. mai
Anna FD 564 - teknmálstulkað
191741
Sunnudag 11. mai
Møti úr Stranda missiónshúsi
191725
Sunnudag 11. mai
Andakt
191720
Leygardag 10. mai
Dagur og vika - teknmálstulkað
191687