Færri skiljast og fleiri giftast

Færri hjúnarskilnaðir hava verið seinastu fýra árini, eftir at talið av hjúnarskilnaðum gjørdi eitt risalop uppeftir frá 2009 til 2010. Samstundis at giftast fleiri. 

Tað vísa tøl hjá Hagstovuni, ið netavísin.fo hevur almannagjørt.

Í 2011 vóru 206 vígslur í Føroyum. Av hesum vóru 144 kirkjuligar og 62 borgarligar. Sama ár vóru 87 hjúnaskilnaðir samanborið við 92 í 2010.

237 vígslur í fjør

Í 2012 vóru tilsamans 237 vígslur, 170 kirkjuligar og 67 borgarligar. Talið á hjúnaskilnaðum var í fjør 78, ella níggju færri enn árið fyri.

Tølini hjá Hagstovuni fevna um føroyingar, sum eru vígdir í Føroyum og uttanlands.