Løgmansstjórin kanna embætisførsluna í Innlendismálaráðnum

Samstundis sum løgmaður fer at kanna embætisførsluna hjá landsstýrismanninum í innlendismálum, fer løgmansstjórin at kanna embætisførsluna hjá embætisfólkunum í Innlendismálaráðnum.

Marjun Hanusardóttir, løgmansstjóri, sigur, at tey hava biðið um tilfar og eina frágreiðing frá Innlendismálaráðnum.

- Vit gjøgnumganga so málið, og løgmaður fer at gera sína meting. Men vit á Løgmansskrivstovuni fara eisini at gera eina meting av, um nakað er at finnast at løgfrøðiliga í embætisførsluni hjá embætisfólkunum, sigur Marjun Hanusardóttir, í stuttari viðmerking.