- Tíðindi, mentan og ítróttur
H71 sett hondbóltsmennara í starv
H71 sett hondbóltsmennara í starv
H71 roynir nýggjar leiðir. Felagið hevur sett danan, Flemming Oliver Jensen í starv sum hondbóltsmennara
Flemming Oliver Jensen verður mennari í H71
05.09.2013 - 09:37
Flemming Oliver Jensen byrjar í starvinum sum hondbóltsmennari í H71 tann 21 oktober í ár. Felagið sigur, at hann skal taka sær av at samskipa og menna ungdómsdeildina hjá H71.
Flemming Oliver Jensen er dani, og hevur ein EHF Mastercoach Degree. Hann hevur, umframt í Danmark, verið venjari í Noregi og Póllandi.
Í Danmark gjørdist hann, sum venjari hjá Virum-Sorgenfri, eitt nú danmarksmeistari og kom eisini í Evropa Cup-finaluna.
Frá 2003-2006 var hann ítróttarstjóri og høvuðsvenjari í TMS Ringsted. Í 2007 venjari hjá Byåsen í Noreg. Í 2009 var hann venjari hjá Wisla Plock í Póllandi.
Hann hevur hægstu útbúgving hjá Danska hondbóltssambandinum.
Er kopiera
Nýggjastu sendingar í ÚV
Nýggjastu sendingar í SV
