Floksleiðarar kjakast um veljarakanning og rikna politikkin

Úrslitið av veljarakanningini, sum varð kunngjørt í gjár, og politisku avbjóðingarnar verður evnið í kjakinum eftir Dag&Viku í kvøld.

Jørgen Niclasen, formaður í Fólkaflokkinum, Johan Dahl, næstformaður í Sambandsflokkinum, Høgni Hoydal, formaður í Tjóðveldi, og Aksel V. Johannesen, formaður í Javnaðarflokkinum, vera í sjónvarpsstovuni.

Valskeiðið er hálvrunnið, og teir fara at kjakast um rikna politikkin, tunnilsmálið og avbjóðingarnar í framtíðini.

Kjakið verður sent eftir Dag&Viku, og verður ein hálvan tíma. Liljan Weihe er vertur.