Landið fær allan ágóðan av skerdum rentustuðuli

Í ár eigur landskassin 20,5 prosent av tí, sum rentustuðilin kostar. Næsta ár verður landskassans partur 19 prosent, men í 2018, tá rentustuðulin er komin niður í 30 prosent og hámarkið, sum gevur rentustuðul, er komið niður í 100.000 kr., skal landið rinda 14,5 prosent av stuðlinum.

Tað árið fer parturin hjá landinum niður um partin hjá kommununum.

Einki verður sagt um hendan munin millum land og kommunur í viðmerkingunum til lógaruppskotið.

Sambært yvirliti hjá Fíggjarmálaráðnum fer landskassin at spara 16 milliónir krónur í 2018, verður lógarbroytingin samtykt í løgtinginum. Kommunurnar spara bara 700.000 kr.