Skálafjarðartunnilin og Sandoyartunnilin kosta 1,8 milliard

<div>Skulu Vágatunnilin og Norðoyatunnilin vera við til at fíggja íløgurnar og viðlíkahaldið í einum almennum tunnilsfelagi, har Skálafjarðartunnilin og Sandoyartunnilin eisini eru við, verður tunnilsgjaldið 53,10 kr. báðar vegir.</div><div><br></div><div>Tað hevur Landsverk roknað út í kanningini, sum Landsverk gjørdi fyri Innlendismálaráðið.&nbsp;</div><div><br></div><div>Tá er roknað við, at Skálafjarðartunnilin og Sandoyartunnilin kosta eina milliard og 850 milliónir krónur.</div><div><br></div><div>Og tá er roknað við, at tvær milliónir og 875.000 bilar koyra í teimum fýra tunlunum um árið.&nbsp;</div><div><br></div><div>Landsverk roknar við, at til ber at lána pengar til nýggju undirsjóvartunlarnar fyri 4,2 prosent í rentu og við 20 ára afturgjaldingartíð.&nbsp;</div><div><br></div><div>Í gjár kunngjørdi Landsverk eina kanning, sum sigur, at tunnilin millum Eysturoynna og Streymoynna kann gerast nógv bíligari, minst 40 prosent bíligari, um tað almenna eigur og rekur tunnilin.</div><div><br></div><div><b>Kanningin hjá Landsverki verður eisini viðgjørd í Degi og Viku í kvøld klokkan 19, har Kári P. Højgaard, landsstýrismaður, verður gestur.</b></div><div style="font-family: Arial, Verdana; font-size: 10pt; font-style: normal; font-variant: normal; font-weight: normal; line-height: normal; "><br></div>