Eldur í Godafossi

Klokkan 0425 í morgun fekk MRCC Tórshavn boð um at eldur var í íslendska farmaskipinum Godafossi, sum var inni í føroyskum sjóøki ávegis til Íslands.

Eldur er í skorsteininum og roynt verður at sløkkja. 

Godafoss er staddur einar 75 fjórðingar vestan fyri Mykines.  

Eitt annað íslendskt farmaskip Arnafell er nærhendis og væntast at vera á staðnum um ein tíma. Íslendski bjargingarflúgvarin er farin úr Íslandi, Brimil og Tjaldrið eru bæði á veg, og roknað verður við, at Brimil verður á staðnum einaferð eftir klokkan 13 og Tjaldrið nakað seinni. 

Føroyska tyrlan er klár at fara, og tvær íslendskar tyrlur standa klárar í Hornafirði.

Veðurvánirnar á staðnum eru ikki nakað serligar. Útsynningur 15-20 m/s við ælingi og aldan væntast at fara upp í 6 metrar. Manningin á Godafoss er 16.