Sildasamráðingarnar niðurlagdar

Samráðingarnar um sild, sum vóru í London í gjár, eru ikki slitnaðar, men niðurlagdar, upplýsir Fiskimálaráðið.

Føroyar fara næstu vikurnar at hava samráðingar við hini strandarlondini hvørt sær til tess at mýkja støðuna.

Samráðingarnar við øll hini strandarlondini verða ikki tiknar uppaftur fyrr enn í januar, tá londini eru liðug at tingast hvørt sær.

Føroyska samráðingartoymið, Sendistovan í London og Felagið Nótaskip mannaðu føroysku sendinevndina á fundinum í London í gjár.