Nýggir danskir ráðharrar

Holger K. Nielsen verður nýggjur uttanríkisráðharri, fyri Villy Søvndal, sum hevur gjørt av at leggja frá sær, eftir at hann herfyri gjørdist sjúkur. Holger K. Nielsen var skattamálaráðharri, og fyri hann verður Jonas Dahl settur sum ráðharri í skattamálum.

Karen Hækkerup verður nýggjur løgmálaráðharri. Hon tekur við eftir Morten Bødskov, sum fyrr í vikuni legði frá sær.

Dan Jørgensen sum hevur verið í Erupaparlamentinum tekur við sum ráðharri fyri matvørur, landbúnað og fiskivinnu. Hann tekur við eftir Karen Hækkerup.

Helle Thorning Schmidt fer fyrrapartin at kunna drotningina um broytingina í stjórnini.