Angela Merkel samveldiskanslari fyri triðju ferð

Angelu Merkel fer nú undir sítt triðja valskeið sum samveldiskanslari í Týsklandi.

Fyrrapartin valdi samveldistingið við stórum meiriluta hana aftur til samveldiskanslara. Merkel  fekk 462 av teimum 631 atkvøðunum í samveldistinginum. Seinni tók forsetin, Joachim Gauck, hana í eið sum samveldiskanslara.

Breið samgongustjórn

Tá valið var av, fór hon á fund í nýggju stjórnini, har tríggir flokkar eru við, hennara egni flokkur, CDU, systurflokkurin, CSU og javnaðarflokkurin, SPD. Flokkurin hjá Angelu Merkel, CDU, vann valið til samveldistingið í september, men hann fekk ikki nóg stóra undirtøku til at skipa stjórn einsamallur.

Í oktober fór hon undir samráðingar við týska javnaðarflokkin, SPD um eina breiða stjórn, og nú er komið á mál.