Kríggið í Miðeystri kemur væl við hjá norsku oljuvinnuni

Kríggið í Miðeystri kastar væl av sær til norsku oljuvinnuna.

Í apríl útflutti Noreg ráolju fyri tilsamans 61,4 milliardir norskar krónur. Útflutningsvirðið er heili 86 prosent størri enn í apríl í fjør.

Oljuútflutningurin í apríl setir samstundis met, og hetta er eisini størsti oljuútflutningur higartil ein einstakan mánað.

Samlaði útflutningurin hjá Noregi í apríl var góðar 176 milliardir krónur. Vøksturin er 20,9 prosent, sammett við apríl í fjør, upplýsir norska hagstovan, Statistisk sentralbyrå.