Bakkafrost-samtakið 544 milliónir í avlopi fyrsta ársfjórðing

Úrslitið hjá Bakkafrost-samtakinum eftir skatt var 544 milliónir krónur í fyrsta ársfjórðingi.

Tað var 505 milliónir sama ársfjórðing í fjør.

Tøkan í Føroyum var 25.139 tons og 6.198 tons í Skotlandi.

- Samanumtikið eru vit nøgd við úrslitið, sigur Regin Jacobsen, stjóri.

Bíligari aling

Kostnaðargondin í sjógvalingini batnaði.

Tað sást aftur í kostnaðinum fyri tikna fiskin, sum var 13 prosent minni enn í sama ársfjórðingi í fjør. 

Kostnaðurin í smoltframleiðsluni batnaði eisini. Smoltkostnaðurin var 10 prosent minni.

Útlit eru fyri, at fiskurin, sum fóðrið verður gjørt úr, verður dýrari.

Tað kann fara at arbeiða ímóti jaligu kostnaðargongdini, sigur Bakkafrost.

Havsbrún

Taka 97.000 tons í ár

Bakkafrost væntar, at tøkan í ár verður 97.000 tons, ikki 92.000 sum higartil væntað. Og 175.000 tons av fóðri verða gjørd.

Higartil hevur verið roknað við 165.000 tonsum.

Í Skotlandi var fellið minni enn í fyrsta ársfjórðingi í fjør.