Føroyar ikki áhugaverdar hjá Air France/KLM

Air France/KLM fer ikki at flúgva upp á Føroyar.

Tað sigur stjórin hjá Air France/KLM í Danmark, Guillaume Glass, við heimasíðuna Check-in.dk, sambært Vágaportalinum

- Vit hava ongar ætlanir at flúgva til Føroya næstu árini, tí marknaðurin er ikki nóg stórur, sigur hann við donsku heimasíðuna.

Í Føroyum í fjør

Í fjør vóru umboð fyri Air France/KLM í Føroyum og kannaðu viðurskiftini í Vágum.

Chek-in skrivar, at flogfelagið sigur Norðurlond at vera sín heimamarknað, og tí hevði verið nátúrligt eisini at knýtt Føroyar upp í rutukervið. Air France/KLM flýgur frammundan til floghavnir í Danmark, Noregi og Svøríki.

Men sambært Check-in.dk er líkt til, at hetta verður av ongum, ið hvussu er í hesum umfari.