Ukraina kanska sett í undantaksstøðu

Eini 150 mótmælisfólk tóku seg inn í løgmálaráðið sunnukvøldið, og tey ætla ikki at gera eftir boðunum frá løgmálaráðnum.

Mótmælisfólkini siga, at undantaksstøða longu er galdandi í Ukraina, og tískil hava tey einki at tapa í ófriðnum sum byrjaði fyri jól í 2013.

Seinastu vikuna hava ógvusligir samanbrestir verið í Kiev millum uppreistrarfólk og løgregluna. Fimm fólk hava latið lív og fleiri hundrað eru særd.

Lógaruppskot elvdi til ófrið

Ófriðurin í Kiev byrjaði av álvara, tá stjórnin herfyri samtykti eina lóg, ið skal forða fyri at loyvi verður at skipa fyri mótmælisgongum í Ukraina.

Síðani lógin varð samtykt, hava ógvusligir samanbrestir verið millum uppreistrarfólk og løgregluna í landinum.

Ófriðurin í Ukraina seinastu tveir mánaðirnar er tann ógvusligasti síðani Ukraina fekk fullveldi frá Ruslandi í 1991.