529 fólk í Muslimska Brøðralagnum deyðadømd

<p>Dómurin kemur í kjalarvørrinum í&nbsp;ákærum um, at fólkini hava myrt ein løgreglumann og framt álop á fleiri onnur sivil fólk í Egyptalandi, <a href="http://www.bbc.com/news/world-middle-east-26712124" target="_blank">skrivar BBC</a>.</p>

<p>Myndugleikarnir hava sligið hart niður á viðhaldsfólk hjá Mohammed Mursi, síðan hann fyrst í juli mánað varð koyrdur frá valdinum í landinum.</p>

<p><strong>SÍ EISINI <a href="http://kvf.fo/Archive_Articles/2012/06/18/herurin-tiki-valdi-egyptalandi... tikið valdið í Egyptalandi</a></strong></p>

<p>Hundraðtals fólk eru myrd í ófriðnum í Egyptalandi seinastu mánaðirnar, og túsundtals fólk hava fingið skaða í samanbrestum í Egyptalandi.</p>

<p><strong>Deyðadómurin kann kærast</strong></p>

<p>Hóast tey 529 fólkini hava fingið deyðadóm í rættarskipanini í Egyptalandi, er enn ikki heilt vist, at tey øll verða tikin av døgum fyri leiklut sínar í ófriðnum.</p>

<p>Deyðadómar verða oftani feldir í Egyptalandi, men tað er verri enn so altíð, at dómarnir verða útintir, sigur ein forsprákari fyri mannarættindum í landinum.</p>

<p><strong>SÍ EISINI <a href="http://kvf.fo/Archive_Articles/2013/08/19/fleiri-enn-800-folk-deyd-i-egy... enn 800 fólk deyð í Egyptalandi seinastu dagarnar</a></strong></p>

<p>Seinasti rættarfundurin verður eftir ætlan 28. apríl. So statt hava deyðadømdu fólkini í Egyptalandi fimm vikur at kæra dómin, so sleppast kann undan hópavrætting.</p>