Horvna flogfarið: Ringar vónir

<p>Vónirnar, um at finna horvna malaysiska flogfarið, eru farnar at vikna, nú tað í dag er ein mánaði síðani flogfarið hvarv, og tí halda battaríini í svørtu kassunum sær ikki longur.</p>

<p>Um vikuskiftið hoyrdu fleiri skip ljóð, sum kundu stava frá svørtu kassunum, men síðan seinnapartin leygardagin og fyrrapartin sunnudagin, hevur einki verið at hoyrt, sigur Angus Houston, sum stendur á odda fyri leitingini.</p>

<p><strong>SÍ EISINI <a href="http://kvf.fo/greinar/2014/04/06/flogfor-og-skip-kanna-nyggjar-slodir">F...ør og skip kanna nýggjar slóðir</a></strong></p>

<p>- Vit mugu tryggja okkum, at als einki er at gera, og tá steðgar leitingin, sigur Angus Houston. Hóast útlitini eru døpur, so ætla myndugleikarnir at leita í nakrar dagar aftrat.</p>

<p>Serlig útgerð verður nú nýtt, fyri at royna at fáa ljóð frá svørtu kassunum. Eydnast tað, so er ætlanin at senda ein kavbát niður at vita um flogfarið liggur á 4.500 metra dýpi vestanfyri Australia.</p>