Sjey mánaðir null svar

Sjey mánaðir null svar
Býráðið á Tvøroyri veit franvegis ikki, hvagar hon skal senda rokningina fyri oljudálkingina 25.september í fjør.
Olja dálkaði Trongisvágsfjørð 25.september í fjør. Illgruni er um trý skip.
 
01.05.2014 - 13:31

Løgreglan veit framvegis ikki, hvør dálkaði Trongisvágsfjørð við olju fyri sjey mánaðum síðani. Tvøroyar kommuna er farin at ótolnast.

25. september var oljudálking á Trongisvágsfirði.

Enn veit løgreglan ikki, hvør dálkaði.

Royndir eru tiknar av oljuni hjá trimum skipum, millum annað Smyrli, fyri at samanbera við oljuna, sum var á sjónum.

Tvøroyar kommuna hevur ofta rykt eftir svari frá løgregluni.

13. februar í ár skrivar Linda Hesselberg á Fútaskrivstovuni í einum telduposti til Tvøroyrar kommunu, at royndirnar vóru sendar til Danmarkar. Sagt varð, at seks til átta vikur fóru at ganga, áðrenn svarið kom. 

Men hóast 11 vikur nú eru farnar, er framvegis einki svar komið. John Martin Olsen, økisleiðari hjá løgregluni, sigur í dag, at einki nýtt er í málinum

Higartil hevur kommunan rindað ta knøppu hálvu milliónina, sum tað kostaði at taka oljuna upp. Men so leingi, kommunan ikki veit, hvør dálkaði, hevur kommunan ongan at senda rokningina. 

 

 

 

 

, og spurningurin tí, hvør skal rinda rokningina? Eisini er spurningurin hvør skal rinda bótina fyri dálkingina, tí bótin fyri at dálka við olju er stór eftir, at hon hækkaði nógv fyri nøkrum árum síðani. Bótin fyri 500 litrar er til dømis 150.000 kr., og hon er 250.000 kr. fyri 1.000 litrar. ]]

Er kopiera
Nýggjastu sendingar í ÚV
Leygardag 26. juli
Súrligt summar: Kom! Tosa!
194981
Leygardag 26. juli
Morgunlestur leygardagur 26. juli 2025
194849
Fríggjadag 25. juli
RagnarRokk: Alfio Annibalini um Stygian Waves
194129
Fríggjadag 25. juli
Morgunlestur fríggjadagur 25. juli 2025
194848
Nýggjastu sendingar í SV
Leygardag 26. juli
Tíðir og tankar
194978
Fríggjadag 25. juli
Veðrið
194969
Hósdag 24. juli
Motorarnir og maðurin
194948
Mikudag 23. juli
Dagur og vika - teknmálstulkað
194872
Týsdag 22. juli
Veðrið
194844