Føroyar smurdu Aserbadjan av

Munurin á Føroyum og Aserbadjan var stórur í dystinum í kvøld. Føroyar vunnu heili 43-12. Hálvleiksstøðan var 17-5.

Aserbadjanska liðið var veikt fysiskt og megnaði lítið móti einari góðari føroyskari verju. 

Føroyska liðið spældi rímuliga disiplinerað, hóast sigurin tíðliga var greiður. Verjan hevði tol og spælt var skjótt frameftir. Nógv mál komu við skjótálopum.

Vit fáa sterkari mótstøðu seinni í kappingini, og tí brúka vit hendan dystin til at royna ymiskar taktikkir, sum vit fáa brúk fyri seinni í kappingini, segði Birgir Hansen, venjari, aftan á dystin.

Málskjúttar:

Helgi Hoydal, 10

Áki Egilsnes, 9

Rói Berg Hansen, 7

Allan Norðberg, 5

Pætur Thomsen, 3

Kjartan Johansen, 3

Hilmar Leon Jakobsen, 2

Jónas G. Djurhuus, 2

Djóni V. Højgaard, 2

Í morgin spæla Føroyar ímóti Írlandi