Hundar kunnu ganga leysir í ávísum bygdum

<p>Hundar í Árnafirði, Svínoy, Mikladali og á Trøllanesi sleppa framvegis at ganga leysir, hóast ein kunngerð, sum kom í gildi hósdagin, krevur, at hundar í Klaksvíkar kommunu skulu vera í bandi.&nbsp;</p>

<p>Kunngerðin er eisini galdandi í Tórshavnar kommunu, men har er eingin bygd undantíkin kravinum um, at hundar skulu vera í bandi á økjum, sum eru opin fyri vanligari ferðslu. Bandið skal sambært kunngerðini vera so stutt, at leiðarin hevur hundin tætt inni at sær.</p>

<p><strong>Fáa bót</strong></p>

<p>Tey, sum bróta kunngerðina, fáa bót.&nbsp;</p>

<p>Kunngerðin, sum nú er lýst, er galdandi fyri Tórshavnar kommunu og Klaksvíkar kommunu.&nbsp;Samstundis fer úr gildi kunngerð frá 2003 um hundar í Tórshavnar kommunu og Kirkjubøar kommunu. Nú er Kirkjubøur í Tórshavnar kommunu. &nbsp;</p>