25 fólk deyð av spreingingum í Taivan

<p>Spreingingarnar hendu um midnátt lokala tíð hóskvøldið. Í morgun er framvegis ikki tamarhald á støðuni, og eldur logar framvegis í økinum, har spreingingarnar vóru, skrivar tíðindastovan AP.</p>

<p>Myndugleikarnir á staðnum fingi fleiri fráboðanir um gasslekar hósdagin. Stutt aftaná fráboðaninar var ein røð av spreingingum,&nbsp;ið vóru so ógvusligar, at bilar og motorsúkklur&nbsp;vórðu slongd&nbsp;runt í økinum.</p>

<p>- Orsøkin til gasslekarnar er ikki heilt greið enn. Trupult er eisini at fáa neyðugu hjálpina til økið, har fleiri ferkilometrar av vegakervinum eru lagdir í oyði, sigur ein talsmaður fyri stjórnina.</p>

<p>Íbúgvarnir í býnum Kaohsiung hava fingið boð um ikki at fara út fyribils, og at fylgja teimum boðum, myndugleikarnir koma við, so leingi tamarhald ikki er á støðuni í býnum.</p>